ههههههههههههههههههه قد جاني زي ذا الايميل قبل اسبوعين اعجبني
الاغنيه حقت بشير شنان
اللي اسمها الا يا سيدي كل الناس
ودي بعد اسرد عليكم موقف صارلي اليوم
كانت الساعه تشير الى العاشره و عندي اختبار باتسر فيزيا طلعت من البيت ابي اتمشى شوي,
شغلت السياره و كان بالسي دي papa roach و اغنية **hollywood who شغاله << غريبه مانحاشت للحين << برااااا
و فكرت وين اروح وين اروح , طلعت جوالي عشان ادق على واحد من العيال عشان نتمشى , بس قلت في نفسي ما تسوى كلها عشر دقايق و برجع , اجل خل اروح لحالي ,
و امر على البقاله و اخذ (pop corn) و بيرة توت << يا روحي على المزاج
و طلعت و بعدت الين طلعت عن الحي و دخلت الوادي
وشغلت بشير ( وكانت حفله بالكويت) و قاعد اغني معه و طبعا اللي حولي كلها مزارع, و فجئاه بعد ما انعطف بي الطريق لقيت صعيدي يمشي على كتف الطريق (طبعا الطريق مظلم), قلت خل اوديه منها اخذ اجر و منها القى واحد اسولف معه << مع ان شكله يخوف والله
وقفت وركب معي و قلت اهلا وسهلا حياك , صافحني و سلم , قلت له الجو حلو اليوم ماشاء الله
قال : ايوه ايوه الجو حلو قوي الليله
قلت هاه وين تبي قال قدام شوي
و مشيت شوي يعني مسافة 100 متر
قال هنا بس,
فكرت في نفسي
ليه ركب اجل ؟ دامه ذا القرب؟
قبل لا ينزل قال انت راجع من ذا الطريق؟
قلت ايه
قال : خلاص اروح معاك و لما تجي راجع بقا تنزلني هنا .
طبعا انا راسي كله معادلات باسكال و اللزوجه و الكثافه
فا ما ماكنت مركز معه احسبه يقول نزلني هناك و اذا رجعت مر علي و رجعني هنا
صار قصده ( رح اللي تبي و خلني بتمشى معك و اذا خلصت رجعني هنا
عاد انا كنت فاضي
و مشيت وقعدنا نسولف, طبعا هو اللي يسولف (عن العجول و كيف يسمنوها و يعتنون فيها بالصعيد)
و غير الموضوع وقعد يسولف عن الصعيديات, ويقول ان الحرمه هناك عن 3 رجاجيل هنا
طبعا مشيتها بإعتباره حسن النيه
و ان الصعيديه تطبخ و تنظف و تشيل و تنزل و ترعى و مدري وش بعد, و انهم يعلمونها على ها الشي من يوم ما يجي عمرها 12 << قلت له الحمد لله اني منيب صعيديه
فاكل ما سولفنا في موضوع قعد دقيقه ثم قال : و اصلو البت هناك مالهاش الا بيتها , و بتعمل رغيف و بتحرس (بتحرث)
عاد انا مليت كل ما فتحت موضوع رد علي بالصعيديات بس والله يا هو كومدياني و يوسع الصدر, بس لا تجيب طاري الصعيديات عنده
رجعته مزرعته و رجعت البيت قلت لنفسي ( اذاكر اصرفلي)
شكرا لإستماعكم